＋＋＋AUG-2８-2005 Sun +++

昨晚同豪頭，兩個芝芝入了萊洞ＢＢＱ。原先諗住想去看千杯不醉，但回到家都成八九點。所以最尾都無去到。唯有等下個禮拜吧 下午就約左雯雯上我家傾，傾到成三點幾至落街食早餐，之後想左老freud同老榮去左睇同人祭。始終都係睇cosplay果班就比較賞心悅目D。再夜Ｄ就約左８３２夫婦賀其生日食其日本野。好兄弟說未嚐過活蠔的鮮美，那麼就趁你好日一起去嚐吧！再去海鮮攤處揀了三隻赤貝和刀貝，呢兩個月學楊生話齋都係唔係咁對路... ...唉！

1.我與複制忍者卡卡西合照~
2.有點失禮,唔知佢cosplay邊個.但三個都咁省鏡，無理由唔影...
3.Shadow Lady-影的原因只得一個，好身材著緊身衫...
4.BluePoint, WhitePearl, Bretonne, DutchNative四款"活蠔"與其他剌身同上，影時巳食其六...
5.DutchNative 帶海水及少許金屬味，基本上我同416都覺唔需落任何醬連檸汁也不用落。極其鮮味可口。

6.開左三隻生赤貝同一隻刀貝剌身...
7.極有特色之手搓壽司拼盤，有鹽燒帶子，三文魚子海膽，黑魷魚剌身卷，鮑魚剌身壽司等.
8.416沙展極愛的鐵板炒膏蟹.其食評"好多膏,加上木魚碎炒，勁好味" 食後被我無聊的砌回原型回來

＋＋＋AUG-25-2005 Wed +++

今天撞到一個自己的啟蒙老師~太郎。近這十年我教別人photoshop也不少,但當初教小弟用PS 2.0的人正是太郎兄,而陪同太郎上來的亦正是令小弟初接觸3D的人∼黃飛鴻。因工作關係，太家只小談數句就無講了。始終都無詳談，連電話都唔記得拎。太郎兄永遠也是我老師呀。十年前初教我ＰＳ，估不到令我之後呢十幾年得到很多，十幾年後傾幾句巳令自己得益不少。獲益良多。

+++ AUG-20-2005 Sat +++

今年既生日比往年慶祝既日子早左兩日。因為今年我重遇番一個朋友，佢係比我早四日生日，而他的老婆比我早兩日，那麼日子就是August 17,20,22三個人同慶，各人想吃得有特色，所以介紹左佢地去樓上樓吃火鍋。找老闆阿健哥發辦睇下今次有乜好介紹。

一上到去巳經到齊一半咁滯,我細佬，咖喱你，蘇生，超西伉儷...都成十七八人，巳經多人到分左兩檯坐，眼下一閃..見到隔離檯果個女仔原來係梁詠琪，食完就急急腳咁離去。之後臘鴨比問我後面係咪我成日笑佢話似果個李思捷原來真係，仲背對背坐。乜今晚好似咁多明星來?原來未算，之後仲見到阿叻同一個女仔上來.坐坐下就走左入房...之後阿榮仲串我:"喂~Cody!!今晚真係群星拱照你喎"之後食到十二點到見有好多記者走入來影相閃光燈係咁“斬”.之後仲見到梁榮忠。講下講下至知今晚原來港姐選舉。應該係選完之後來食野呀！之後仲走左入先前間房...哦....所有疑團都解開哂啦..原來阿叻之前係上來”留檯”

++今次好吃的也不比上次小呀。醉鴿肉嫩芳香，炸蟹拑食之前以為好普通。但內裡的蟹拑大過隻湯匙，好多肉，生牛肉剌身味濃鬆軟，避風塘焗薯炒蟹，無諗過焗薯同蟹味道出奇地夾。燒鎗魚同炸鎗魚骨都美味非常，最出位莫過於最尾的甜品。最得我歡喜倒是那個朱古力雪糕，我食入口巳經覺得口感很特別。我仲問臘鴨比：”你估係咪自制？最後西華開估真的是自家制。好得很。原來手製的雪糕比街賣的好食咁多...

其實之前既生日都”有人”叫我唔好再落Ｋ呀”咁我今年咪齋約朋友打靚邊爐，但今晚的啤酒可以任飲呀。那麼當然不客氣呀。同咁多好朋友一起品嚐美食就一定要飲酒啦。但係飲到high-high地自然想唱歌呀。最終食到兩點幾收皮，意猶未盡走過去RED BOX再唱。我戒左煙都半年，我成日都同我條女講。如果我清醒既話應該唔會食呀。除非我飲左酒。結果果晚都”叫做”食左兩支。以三個鐘時限，我諗我唱左六成既時間。但不要誤會，不是我搶咪，唔關我事的，最後唱到五點幾至打的回家。又大一歲了....

+++ AUG-13-2005 Sun +++

今日就同臘鴨比,肥卡去"冬蔭公"一番。今次反而有點大失所望。
無乜新野睇就預左,故事又太多我認為不合常理的事。此乃其二,咁多人走去搶隻兩隻象運去澳洲...(@_@)"我諗極都唔明,點解要去澳洲,澳洲既武術又無乜特別。去中國或者日本打?忍者都好呀...最得意莫過於一shot過打五六層死亡塔...同埋無厘頭有幾廿人出來比佢"bart"斷手指。佢啪到第十零個果陣我巳經心諗"夠啦下化?仲黎?"點知真係,仲出多廿幾人比佢"逐個"啪.篤篤追逐又變左大飛追逐...阿tony在呢套戲最多既對白就係去到邊都衝入去大嗌"我隻象呢?"

+++ AUG-6-2005 Sun +++

++這個星期六∼我2+832+L入了我想入好耐的地方-大澳以我記憶所及，我之前係應該去過。因為記得細個的時候我兩老曾帶過我去一撻地方搭要用手拉繩的船。我想那應該是大澳吧。
++晨咁早起身，食埋野都搞到十二點至出發再等下人呀盛咁....最後出發都要成點幾至上東涌巴士。
去到東涌等的士都等了成九個字,他媽的。
在我心目中大澳令我想起就是蝦醬，周飛鴻師父，同埋皇母瑤池村了。
++入到去看到很多咸魚，蝦醬，吊片，空氣中夾雜少許海水的咸味，自我無幫我老父做海產後。很耐未聞過呢”浸”味了。有點懷念...其中有幾個位令我很深刻的-
1:有一檔做蝦醬的將唔同期數既蝦醬都擺哂在路邊。唔怕你攪，唔怕你掂...
2:有個婆婆在路邊種菜，種了很多不同的品種。但在蝦醬廠隔離。種最多當然係通菜...仲有一 條滑梯仔在中間。彷似一個小花園，煞是好看。
3.市集內的面具舖
4.東京士多-門口有兩隻大雞來做招牌,再加上老闆的雪姑七友寫上的牌"此白雪公主是紐西蘭人..."
5.大澳消防局舊局門前的基金發展計劃箱
6.大澳變電站
7.鄉事委員會隔離的壁畫。
8.我曾揚言咁大條咸魚實在只需要將佢"撻"上隻豬上面就咁完隻蒸即可。
9.一列的鐵皮屋與一列的"貓陣"。

我發覺,今天雖然舟車勞頓,有三四粒鐘都係用來等,曬...但是可能太耐無出過汗,放假唔係旺角就銅鑼灣太耐了,所以我反而很喜歡今天。係咪人就一定咁老土,去到某D年紀就會鐘意番呢D野...

+++ JUL-31-2005 Sun +++

今日因公事所以無約朋友搞任何野.但約左D同事上來我屋企.之後傾左好耐計....好耐好耐......呢排自己同朋友都唔開心...好多朋友要搬屋.我眼見既一個.要幫手既都兩個.睇見佢地都咁煩.我都唔係太開心** 人越大為別人生活的理由越多.如果為自己而活多麼簡單得多呢!**

+++ JUL-30-2005 Sat +++

今日都係早走.因為同肥卡入元朗.放工後入到去都成夜晚九點幾.食完飯行完一輪後感覺幾好.但因為太?.在巴士上訓到出九龍灣.只需半小時.實在太快了..其實.我今天看到自己的身體無端端"標血"好驚..亦好唔開心.個人呆左.唔相信自己會流咁多血.傷口好痛.唔知點解會咁,唔敢話比卡路知.怕他煩我睇醫生.我生平最怕看醫生.........最終都講了.不過.到而家仲好迷惘..無病無痛無啦啦點解會"標血"(係我朋友的請不要問我詳情,我是不會答的)

+++ JUL-29-2005 Fri +++

星期四上堂,今日就約左阿frued.呢兩日都係玩早走,frued約我本身係去行漫畫節的.但無乜心水野想買.所以其實去既意欲不大.但係佢居然約到阿榮少出現.咁梗係要出去裝裝.結果最尾都係無去到,只係落左灣仔就算..只係叫frued買左兩本書比我就算.過左尖咀陪佢地打機.好耐無去過了.見好耐無打過鼓機.打左幾舖.之後上左去樓上樓打邊爐,埋單成五千幾@@"老細數口真係精.不得不真心讚佢...勁.....其後西華上左來傾左好耐心事同生意經.全晚最精句就係" 人在搵到 錢後所有缺點就會暴露出來 "後尾兩點零三點frued同阿榮join埋一份.傾到成五點至回家.....

+++ Jul-23-2005 Sat +++

今朝都叫做早起.叫左聰少過來幫佢執好份layout.就出左去幫賓尼砌機.上年因為會展出面條天橋打哂蛇餅,所以去到會場門口都無入到去.但係今年有416沙展伉儷陪我同肥卡排住隊食住薯條排咁又唔同..點知行左都有成三個幾粒鐘都未行哂兩個section.慳住都買左成五六百蚊書.設計書既野就點都買唔哂.....不過叫做還左個心願.

+++ Jul-22-2005 Fri +++

阿輝哥仔今日落左來.咁難得梗要搵佢.順便找埋阿聰,阿萊,阿德,416伉儷出來聚聚打其鞭爐.一行十人打到十二點後仲未夠皮,成班上哂來我家再劈.劈酒傾計傾到四五點至收皮...

+++ Jul-10-2005 Sun +++

今朝再睇多次早場...同PC-9527去左睇"龍咁威2"畢竟笑片我鐘意去戲院睇...就算套戲唔好笑...咁多人一齊笑.自己都覺得好笑...那管那套是垃圾戲其後去左呢個"香港歷史博物館"睇左三四粒鐘都未睇哂...忽然覺得今日好文化.....

Jul-9-2005 Sat

晨咁早走左去睇"頭文字D"呢排慣左去睇早場...

June-24-2005 FRI

:::落左成個禮拜雨~!! :::

June-20-2005

我的弟弟終於轉了去做麵包!!

June -18-2005

再起~始動 !!

beta version test...