+++ Oct-2-2005 Sun +++大放送!!!

===她約我去迪士尼===

上兩個禮拜.和路迪士尼開幕,呢邊廂話唔會咁快去,那邊廂就有幾張免費飛出現在眼前。老實講，你問係咪好想去，又唔係好恨去果隻，但如果唔駛錢，又無理由講服自己唔去。再加上“有人”施加壓力，一定要陪佢去。那麼就去吧。

哈~!今次的故仔是講和記迪士尼，那麼開始前首先講左環境設定。
1.入門口處有得囉guidemap，一定要囉.有三種語言，繁，簡體中文，英文
(通常大陸人都全部囉哂囉一"踏"，拿來墊地坐，撥涼) 。
2.門口處有兩個提款機(入閘後)，入去前仲有時間可以囉錢 。
3.fastpass其實只得五個遊戲有得囉，所以一定要囉。
4.食野既地方(正餐)唔同有唔同既食品。
5.去搵迪士尼人物影相有幾個固定地方。
6.吸煙區一樣有五個，要食煙要走去呢五個地方。
7.其實之前入去見到話有工作人員搜袋收你D水係真既,不過無所謂。因為其實入面有得refill。
8.如果唔係天氣冷，請帶一條手巾仔入去哦。(其實入去冷唔冷都最好帶埋，超有用)。

如果順路行，正常第一個見到的就是明日世界了，第一件事就應該係囉第一張FastPass-巴斯光年星際歷險。記著啊！要用你的入場券才可以囉快證的。但記住：每個鐘用一張入場券只可以囉一張快證。囉完你就可以再去排其他遊戲了。咁就不用浪費時間排多一條隊了。囉完後可以走去排space mountain同埋太空飛碟，呢個section就只係得呢3樣遊戲。(找巴斯光年影相也需要排隊)我就係排完半小時同巴斯影相再去囉快證。感覺上蝕左半個鐘。而巴斯光年那個遊戲也很好玩呀。每個遊戲預算排最盡一個鐘左右（普遍）同日本簡直無得比，記得當日排鬼屋都排左兩個幾三個鐘。因其餘兩個遊戲無興趣。所以走左去準備睇1:30的巡遊了。1:15到左現場，一個人都無，諗住筍啦，無人企，咁可以囉一個絕佳位置睇巡遊。

好了，剩番五分鐘就開始，我就企最前。正直呢個時候，一個大陸阿伯居然坐左在我的腳上。仲同其他屋企人講"呢度有位，快Ｄ過黎坐"what the fuck...??原先心情極好的我一秒間跌到落谷底。最後那位大陸人也走了。但心情肉酸到爆，原來Ｄ大陸人真係咁樣嫁...睇完後,因為曾經聽過D人講話大陸人去廁所好污糟，所以基本上整天都不想去，但真係好急，唯有去了，因為巳經買左幾支水飲，去完廁所。未有心目中所想的污糟，心情又好了點，之後看見居然有"手按的沙漏水"飲。仲要係冰凍的...呵呵~那麼今天有多一個節目了，就係排隊斟水...

===第二站~幻想世界===

好了，有了第一站經驗，第二站的FP有兩個<米奇幻想曲>，<小熊維尼歷險之旅>因小弟對維尼麻麻(此其二)另外兩點囉FP居然要七點回來至可玩!!咁誇張?居然要等成五個鐘？太浪費時間呀(此其一)所以無玩到。而幻想曲就係小弟全樂園至愛。因為真的實現了樂園在在我心目中的意義（全部人一樣咁開心，一齊笑，一齊叫，氣氛甚佳。全套3D電影立體感甚強而片中開香檳和蘋果批更有香味聞到。唐老鴨跌落水同潑水更會令你有濕身感覺。與阿拉丁坐飛氈更有強風吹過。臨場感甚高。最後玩左兩次。因為每場可容納人數比其他多。所以基本上排隊也不用等太耐。臘比帶了三包紙巾來，抹到個頭好似擦損咁痛，所以最終他也買了條手巾仔呀。（因之前去泰國既經驗，熱真係要帶手巾仔）之後同跳跳虎同米奇影完相時巳經排左一粒鐘，成三點幾，開始見肚餓了，所以一行幾人去了吃午飯。我地去間餐廳剛好係食咖喱，牛扒，同埋壽司的美女與野獸主題餐廳。

1.報導話全樂園最高(泰山樹屋)上影番落黎的情景。
2.探險世界的洗手間坐標。
3.呢位哥哥的樣子極像台灣人氣偶像康康。惹笑非常。
6.獅子王慶典其中一幕,呢位姐姐在空中轉了很多圈啊。
9.10.全日的旅程在這幕煙花後正式結束了... ...

05Jun-Aug | 05Sep-Oct |